​理念

Lightime CIC「光時藝文」嘅定名，「光時」係源自本土民主前線發言人梁天琦喺參選香港立法會新界東地方選區補選嘅時候，首次提出該競選主題同口號「光復香港，時代革命」。佢強調「唔同年齡人士都可以參與革新同改變」，因此係「時代革命」。「藝文」係組織組織嘅實踐方向，透過藝術同文化嘅活動、教育、展覽，凝聚移英香港人，並讓唔同年齡人士都可以參與移英後嘅香港歷史、藝術、文化同語言保育，一齊喺英國建立紮實嘅香港族群，並將香港「努力、勤奮、自強不息、刻苦耐勞、同舟共濟、不屈不撓」嘅拼搏精神承傳至下一代。

​

目標

透過藝術和文化改善社區

​

願景

喺英國建立屬於香港人嘅日子(紀念日)，由曼城開始喺唔同地區設立可以讓香港人聚首同學習嘅社區活動中心。

​

服務方向

光時藝文成立嘅理念係「用藝術改善社區, 連繫同凝聚彼此」。希望透過舉辦唔同嘅藝術、文化、歷史、教育活動，保育同傳播香港嘅語言、歷史、藝術同文化，令移英嘅香港人嘅下一代同英國本土居民接觸同承傳到香港文化，建立香港人嘅民族精神。

​

同時藉住唔同嘅藝文同娛樂活動，讓移英香港人聚埋一齊，認識彼此，建立新嘅朋友圈，舒緩生活上嘅壓力，洗滌心靈。我哋非常重視移英港人同英國人嘅連繫，所以亦會舉辦唔同嘅社區參與同文化交流活動，令港英居民有機會溝通同接觸，擴闊社交圈子，建立社區歸屬感。

 

我哋致力於幫助移英香港人適應生活同融入社區。除咗我哋本身嘅藝文服務之外，我哋亦同唔同服務特質嘅大曼徹斯特嘅香港人組織同本地組織合作，將唔同嘅個案轉介俾合適嘅機構去提供支援同協助，務求可以快、狠、準咁解決問題，滿足到大家嘅需求。